ДАР ДУШАНБЕ ИҶЛОСИЯИ ММ МО ДАЪВАТ КАРДА МЕШАВАД

Душанбе, 17 феврал.(АМИТ «Ховар», Марзия Саидова).- Бо Қарори Раиси Маҷлиси миллии Маҷлиси Олии Ҷумҳурии Тоҷикистон Маҳмадсаид Убайдуллоев 4 марти соли 2010 дар шаҳри Душанбе иҷлосияи 24-уми Маҷлиси миллии Маҷлиси Олии Ҷумҳурии Тоҷикистон даъвати сеюм баргузор мегардад. Дар ин хусус аз палатаи болоии парлумони мамлакат ба АМИТ «Ховар» иттилоъ доданд. Дар иҷлосияи 24-уми Маҷлиси миллии Маҷлиси Олии Ҷумҳурии Тоҷикистон Қонунҳои Ҷумҳурии Тоҷикистон «Оид ба ворид намудани тағйирот  ба Қонуни Ҷумҳурии Тоҷикистон «Дар бораи санадҳои  меъёрии ҳуқуқӣ»,  «Оид ба ворид намудани тағйиру иловаҳо ба Кодекси ҳуқуқвайронкунии маъмурии Ҷумҳурии Тоҷикистон», «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи Агентии назорати давлатии молиявӣ ва мубориза бо коррупсияи Ҷумҳурии Тоҷикистон», «Оид ба ворид намудани тағйирот  ба Қонуни Ҷумҳурии Тоҷикистон  «Дар бораи барӯйхатгирии аҳолӣ» баррасӣ ва ҷонибдорӣ карда мешаванд. Ҳамзамон,  дар иҷлосия баррасии  дигар қонунҳою санадҳои ҳуқуқии вобаста ба масъалаҳои ҳаёти иҷтимоӣ, иқтисодӣ ва фарҳангии кишвар дар назар аст.