ДОНИШГОҲИ «ДӮСТИИ ХАЛҲО» 50 – СОЛА ШУД

Душанбе, 5  феврал. (АМИТ «Ховар»,     Наталя  Михайлова). — Имрӯзҳо  дар  пойтахти  Федератсияи  Русия – шаҳри  Маскав  50 —  солагии  яке  аз  мактабҳои олии  машҳури   ин  мамлакат  — Донишгоҳи  «Дӯстии  халқҳо» ботантана  таҷлил  карда  мешавад. Ҳоло  дар  ин  мактаби  олии  Русия  бештар  аз   сад  нафар  донишҷӯ  ва  аспиранти тоҷик  таҳсил  мекунанд. Сафири  Ҷумҳурии  Тоҷикистон  дар Федератсияи  Русия  Абдулмаҷид  Достиев  ба  ин  муносибат  ба  унвони   ректори  Донишгоҳи  «Дӯстии  халқҳо»,  академик  Владимир  Филиппов   барқияи  шодбош  фиристод. Дар  барқия  ба  фаъолияти  донишгоҳ,  саҳми он  дар  тайёр  намудани  мутахассисони  варзидаи  соҳаҳои  гуногун,   давом  додани  анъанаҳои неки   солҳои гузашта  ва  ҳамкории  донишгоҳ  бо  муассисаҳои  илмию  маорифи  мамлакатҳои  дигар  ва  пеш  аз  ҳама  бо  мамлакатҳои  собиқи  шӯравӣ  баҳои  баланд  дода  мешавад.