КОМЁБИИ ФУТБОЛБОЗОНИ ТОҶИК

Душанбе,  22  феврал. (АМИТ «Ховар», Пайрав  Назаров). —  Дастаи  мунтахаби  футболи   Тоҷикистон  дар  доираи   мусобиқаи  байналхалқӣ барои  ба  даст  овардани  Ҷоми  имтиёзи  Конфедератсияи  футболи Осиё  дар гурӯҳи  «А»  ҷои  аввалро  ишғол  намуда,  ба  қувваозмоии  ниманиҳоӣ  роҳхат  гирифт. Шогирдони  Пӯлод  Қодиров  рӯзи  шанбе   зимни  қувваозмоӣ  бо  дастаи  мунтахаби  Мянма  бо  ҳисоби 3:0  ғалаба ба даст оварданд. Ҳисоби  бозиро  дар  даври  аввал  Иброҳим  Рабимов  кушод,  баъди  танаффус  Нӯъмон  Ҳакимов  ва  Юсуф  Рабиев  ба  дарвозаи  ҳарифон боз  як  тӯбӣ   заданд.  Ҳамин  тариқ футболбозони тоҷик  муборизаро  барои  ба  даст  овардани роҳхати  ягона   ба   мусобиқаи  дастаҳои  футболи  қитъаи  Осиё  давом  медиҳанд, ки  моҳи  январи  соли  2011  дар  Қатар баргузор  мегардад.