НАХУСТИН КИТОБҲОИ «АДАБИЁТИ КЛАССИКИИ ИДМ» ЧОП ШУДАНД

Маскав, 3 январ. (АМИТ «Ховар», Ховар-mfgs.-sng.org).- Дар Донишгоҳи машҳури Сорбонни ш.Париж курси махсуси таълими адабиёти миллии давлатҳои ИДМ кушода хоҳад шуд. Дар ин бора дар мулоқот бо роҳбарияти Бунёди байнидавлатии ҳамкории башардӯстонаи давлатҳо-аъзои ИДМ (МФГС) директори китобхонаи Донишгоҳ Элен Шодорей хабар дод. Ба Донишгоҳи Сорбонн 29 январи соли ҷорӣ ҷилдҳои нахустин силсилакитобҳои «Адабиёти классикии ИДМ», ки бо дастгирии Бунёди байнидавлатии ҳамкории башардӯстонаи давлатҳо-аъзои ИДМ (МФГС) чоп шудааст, супорида шуд. Дар китобҳои тақдимшуда  намунаи адабиёти классикии Озорбойҷон, Арманистон, Белорус, Қирғизистон, Молдова, Русия  инъикос шудаанд. Директори китобхонаи Донишгоҳ Элен Шодорей қайд кард, ки ин китобҳо замина бароиомӯзиши фарҳанги давлатҳои ИДМ хоҳанд шуд. Тавре сармуҳаррири нашриёти «Художественная литература» Георгий Пряхин хабар дод, ки чопи 60 ҷилди ин силсилакитобҳо дар назар дошта шудааст. Дар бораи интишор шудани намунаи адабиёти классики тоҷик дар ин силсилакитобҳо маълумот дода нашудааст.