РАИСИ ВИЛОЯТИ ХАТЛОН ХИЗМАТЧИЁНИ ҲАРБИРО ТАБРИК НАМУД

Қӯрғонтеппа,  24  феврал. (АМИТ «Ховар», Мурод  Сотиев). —   23  феврал  дар  маркази  вилояти  Хатлон  — шаҳри  Қӯрғонтеппа   ба  шарафи  солгарди  навбатии  ташкили  Қувваҳои  мусаллаҳи  мамлакат   маҷлиси  ботантана  баргузор  гардид. Мухбири  АМИТ «Ховар»  хабар  медиҳад, ки   раиси  вилояти  Хатлон  Ғайбулло  Авзалов ҷамъомадро   кушода,   хизматчиёни  ҳарбӣ  ва  ҳозиронро  ба  муносибати  17 – солагии  ташкили  қувваҳои  мусаллаҳ  табрик  намуд. Иштирокчиёни  маҷлис  баъдан   дар   пояи  ҳайкали  ёдгории  60 —  солагии Ғалаба  дар  Ҷанги  Бузурги  Ватанӣ  гулдастаҳо  гузоштанд.