БА СУРАТҲИСОБИ РОҒУН ЧӢ ҚАДАР МАБЛАҒ ВОРИД ГАРДИД?

Душанбе, 12 март. (АМИТ «Ховар», Покиза Махмадбекова). – Аз рӯи иттилои Вазорати молияи Ҷумҳурии Тоҷикистон ба суратҳисобҳои сохтмони ҶСК«НБО-и Роғун» аз ҳисоби фурӯши саҳмияҳо ва сертификати саҳмияҳои НБО «Роғун», бо назардошти кӯмакҳои молиявӣ ба таърихи 10 марти соли 2010 — 770 миллиону 487 ҳазору 193 сомонӣ ворид гардид. Аз ҷумла, БДА «Амонатбонк» — 26 миллиону 899 ҳазору 702 сомонӣ, ҶСК «Ориёнбонк» — 140 миллиону 933 ҳазор сомонӣ, ҶСК «Агроинвестбонк» — 114 миллиону  823 ҳазору 300 сомонӣ, ҶСП «Тоҷпромбонк» — 9 миллиону 225 ҳазору 500 сомонӣ,  ҶСК «Тоҷиксодиротбонк» — 16 миллиону 843 ҳазору 400 сомонӣ, ҶСП «Бонки рушди Тоҷикистон» — 2 миллиону 535 ҳазору 200 сомонӣ, ҶСП «Фононбонк» — 2 миллиону 713 ҳазору 800 сомонӣ, ҶСК «Бонки Эсхата» — 3 миллиону 247 ҳазору 200 сомонӣ ва дар  хазинадории Вазорати молия — 453 миллиону 266 ҳазору 91 сомонӣ маблағ нигоҳ дошта шудааст.