ДӮКОНРО ОТАШ ЗАДАНД
Душанбе, 22 март. (АМИТ «Ховар», Жасмин Назарова). — Ҳафтаи сипаришуда дар миқёси ҷумҳурӣ 11 сӯхтор рух дод, ки зарари умумии молии онҳо 15 ҳазору 340 сомониро ташкил медиҳад. Тибқи иттилои корманди маркази матбуоти Сарраёсати хадамоти давлатии оташнишонии ВКД ҶТ, масоҳати умумии сӯхторҳо 1 495 метри мураббаъ мебошад. Чун ҳарвақта сабабҳои рух додани сӯхтор муносибати беэҳтиётона бо оташ, вайрон кардани қоидаҳои бехатарӣ аз сўхтор ҳангоми истифодаи асбобҳои гармидиҳандаи барқӣ ва газӣ ва расиши кӯтоҳи ноқилҳои барқӣ мебошанд. Дар давоми ҳафта дар вилояти Суғд – 2 сӯхтор, вилояти Хатлон – 5 сӯхтор, шаҳри Душанбе – 2, шаҳри Роғун – 1 ва ноҳияи Ҳисор — 1 сӯхтор ба қайд гирифта шуд. Аз ҷумла, шахсони номаълум 17 марти соли равон дӯкони қисмҳои эҳтиётии тракторҳоро дар ноҳия Ҳисор оташ заданд. Дӯкони мазкур ба соҳибкор Субҳон Носирови 43 сола тааллуқ дорад. Ҳангоми сӯхтор дар масоҳати 21 метри мураббаъ қисми зиёди молҳои дӯкон сӯхта корношоям гардиданд. Мувофиқи ҳисоби пешакӣ зарари сӯхтор 1 500 сомониро ташкил медиҳад. Нисбати ин ҳодиса парвандаи ҷиноӣ оғоз шуда, тафтишот идома дорад.
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
Имрӯз дар баъзе ноҳияҳои кӯҳии Тоҷикистон бориши борону барф пешгӯӣ мешавад
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
