ХАРИДИ САҲМИЯҲО ДАР НОБ –И «НОРАК»

Душанбе, 4 март. (АМИТ «Ховар», Лаззат Диловарзод).- Кормандони нерӯгоҳи барқи обии «Норак» бо мақсади харидории саҳмияҳои НБО –и «Роғун» дирӯз дар майдони назди бинои маъмурии нерӯгоҳ ҷамъомади тантанавӣ ва хариди оммавии саҳмияҳои НОБ –и «Роғун» — ро ташкил намуданд. Дар ин ҷо филиали дар Норак будаи «Ориёнбонк» фурӯши саҳмияҳоро ба роҳ монд. Бино ба гуфти сардори маркази матбуотии ҶСШК «Барқи тоҷик» Нозир Ёдгорӣ, кормандони НОБ — и «Норак» барои дастгирии сохтмони НОБ – и «Роғун» аз моҳи январи соли ҷорӣ то 4 – уми март ба маблағи  1 млн. 922 ҳазор сомонӣ саҳмияҳои онро харидорӣ намудаанд. Кормандони нерӯгоҳи НОБ – и «Роғун» ният доранд, ки саҳмияҳои «Роғун» -ро то ба итмом расидани сохтмон харидорӣ намоянд.