МАРДУМИ ТОҶИКИСТОН 3 МЛРД.СОМОНӢ ФОИДА ДИДАНД

Душанбе, 16 март. (АМИТ «Ховар», Лаззат Диловарзод).- Бино ба гуфти муовини сардори Раёсат оид ба танзими анъана ва ҷашну маросимҳои Дастгоҳи иҷроияи Президенти ҶТ Одинашо Муродов, амалӣ  шудани қонун «Дар бораи танзими анъана ва ҷашну маросимҳо дар Ҷумҳурии Тоҷикистон» ба камхарҷ гузаронидани маъракаҳо сол ба сол мусоидат карда, барои сарфаи молу маблағи  шаҳрвандон шароит фароҳам меорад. Агар то давраи қабули қонуни мазкур  барои 144 ҳазору 627 маъракаҳо    бештар аз 1 миллиарду 265 млн. сомонӣ сарф шуда бошад, пас барои баргузории ин миқдор маъракаҳо  соли 2009  ҳамагӣ 415 млн.875 ҳазору 937 сомонӣ харҷ гардидааст, ки зиёда аз 849 млн.628 ҳазор сомонӣ ба манфиати шаҳрвандони ҷумҳурӣ сарфа гардидааст. Аз даври қабули қонун агар ҳамаи он сарфаю сариштакориҳо  ба ҳисоб гирифта шаванд, дар баргузории 385 ҳазор маърака ва маъракаҳои иловагии манъгардида,  зиёда аз 3 млрд. 600 млн. сомонӣ ба манфиати мардум сарфа гардидааст.