МУҲОҶИРОН АЗ НБО-И РОҒУН МЕКӮЧАНД

Роғун, 10 март. (АМИТ «Ховар», Зебо Давлатова). — Тавре, ки раиси ҷамоати деҳоти Сичароғ Давлатой Даҳмардаева ба хабарнигори АМИТ «Ховар» гуфт, шумораи муҳоҷирони минтақаи зериобшавандаи НБО-и Роғун 372 оиларо дар бар мегирад. Аз ин шумора 131 оила ба шаҳри Турсунзода кӯчонида мешаванд. Боқимондаи аҳолӣ ба деҳаҳои гирду атрофи шаҳр кучонида мешаванд ва  бо дастгирии мақомоти маҳаллӣ бо заминҳои манзили зист таъмин карда мешаванд. Бояд гуфт, ки то имрӯз 119 нафар муҳоҷирони экологӣ аз қайд бароварда шудаанд, ки (12 нафари онҳо дар муҳоҷиратии Руссия мебошанд). Давлатой Даҳмардаева афзуд,ки он муҳоҷироне, ки аз деҳаҳои Талхакчашма ва Сичароғ ба шаҳри Турсунзода муҳоҷир шуда мераванд ба ҳар як оила аз ҷониби мақомоти иҷроияи шаҳри Турсунзода ба масоҳати 8 сотиқ замин, барои бунёди маҳалли зист замин таъмин карда шудааст ва айни замон бунёди сохтмонҳои истиқоматӣ дар маҳаллаи нав нав оғоз гардидааст.