МУРОҶИАТНОМАИ НАМОЯНДАГОНИ СОЗМОНҲОИ ТИҶОРАТӢ ВА СОҲИБКОРОНИ ҶТ
МУРОҶИАТНОМАИ НАМОЯНДАГОНИ СОЗМОНҲОИ ТИҶОРАТӢ ВА СОҲИБКОРОНИ ТОҶИКИСТОН ВОБАСТА БА БОЗДОШТИ ВАГОНҲОИ РОҲИ ОҲАН ДАР ҚАЛАМРАВИ ҶУМҲУРИИ ӮЗБЕКИСТОН Мо – намояндагони созмонҳои тиҷоратӣ ва соҳибкорони Тоҷикистон вобаста ба вазъияти ногувори рӯзҳои охир баамаломада, яъне боздошти вагонҳои пурбори роҳи оҳан дар қаламрави Ҷумҳурии Тоҷикистон изҳори ташвиши ҷиддӣ менамоем. Соҳибкорону тоҷирони ҳамаи соҳаҳои иқтисодиёти мамлакат дар давоми ду моҳи охир вобаста ба дидаю дониста ва қасдан боздоштани транзити мол барои ворид намудани онҳо ба Тоҷикистон ба воситаи қаламрави Ӯзбекистон ба мушкилоти ҷиддӯ ба рӯ гардида, аз ин зарари калон мебинанд. Айни ҳол дар истгоҳҳои роҳи оҳани Ӯзбекистон қариб 1000 вагони боркаши Тоҷикистон бо навъҳои гуногуни техника, масолеҳи бинокорӣ, ашёи хом барои корхонаҳои мамлакат, маводи сӯхт ва молу маводи зарурӣ барои соҳаи кишоварзӣ, дору ва озуқа нигоҳ дошта мешавад. Аз рӯи маълумоти соҳибкорони мо, Ӯзбекистон дидаю дониста ва қасдан ба транзити ҳамаи вагонҳое монеъ мешавад, ки ба Тоҷикистон маводи сӯхт, нуриҳои маъданӣ ва молу маводи дигари барои соҳаи кишоварзӣ заруриро ворид месозанд. Ба ақидаи мо, ҷониби Ӯзбекистон дар арафаи оғози кишту кори баҳорӣ дидаю дониста ба ин иқдом даст задааст. Бояд гуфт, ки зиёда аз 70 фоизи аҳолии Тоҷикистон дар деҳот зиндагӣ мекунад. Сокинони деҳот бо сабаби дар қаламрави Ӯзбекистон боздоштани вагонҳои роҳи оҳан маводи зарурӣ, аз ҷумла маводи сӯхт ва ашёи хомро сари вақт дастрас карда наметавонанд. Инчунин дар қаламрави Ӯзбекистон миқдори зиёди сӯзишворӣ барои ҳавопаймоҳо боздошта шудааст. Ин имкон намедиҳад, ки ҳавопаймоҳои ширкатҳои ҳавонавардии маҳаллию байналмилалӣ аз фурудгоҳҳои Тоҷикистон дар мӯҳлати муқарраршуда парвоз кунанд. Дар қаламрави Ӯзбекистон боздоштани вагонҳои дору ва молҳои дигари таъиноти тиббӣ ба ягон қонуну қоида рост намеояд. Нарасидан ё набудани онҳо ба саломатӣ ва ҳаёти аҳолии Ҷумҳурии Тоҷикистон бевосита таҳдид менамояд. Ташвишовар аст, ки дар натиҷаи боздошти вагонҳо дар қаламрави Ӯзбекистон созишномаю қарордодҳои мо бо шариконамон дар мамлакатҳои дуру наздики хориҷӣ иҷро карда намешаванд ва онҳо низ бо сабаби боздошти бадқасдонаи молу мавод ва маснуоти Тоҷикистон зарари калони моддӣ мекашанд. Сари вақт ворид нагардидани мол сабаби афзудани қарзҳои соҳибкорону тоҷирон аз бонкҳо ва шариконашон мегардад. Мо дар натиҷа ночор бояд илова ба қарзҳоямон ҷарима низ супорем. Ҳамаи ин ба шароиту вазъияти сармоягузорӣ ва рушди соҳибкорӣ дар Тоҷикистон таъсири манфӣ мерасонад. Мо ин ҷо ҳамаи проблемаҳои ба миён омадаро номбар накарда, танҳо таъкид карданием, ки агар вагонҳои боркаш мисли пештара дар қаламрави мамлакати ҳамсоя нигоҳ дошта шаванд, ба мо – тоҷирону соҳибкорон ва умуман ба иқтисодиёти мамлакат зиёни бузурги модиию маънавӣ расонда хоҳад шуд. Мо — намояндагони созмонҳои тиҷоратӣ ва соҳибкорон дар асоси далелу рақамҳои зикршуда аз созмонҳои байналмилалӣ ва сафоратхонаҳои мамлакатҳои хориҷӣ, ки дар Тоҷикистон фаъолият доранд, хоҳиш менамоем, ки барои ҳалли проблемаи ба миён омада мусоидат кунанд. Раиси Шӯрои ҳамоҳангсози муассисаҳои тиҷоратии Тоҷикистон Н.Забиров Раиси Ассотсиатсияи истеҳсолкунандагони мол ва соҳибкорони Тоҷикистон З.Саидов Раиси Ассотсиатсияи бонкҳои Тоҷикистон И.Лаълбеков Раиси Ассотсиатсияи энергетикҳои Тоҷикистон Р.Мӯсоева Раиси Ассотсиатсияи миллии хоҷагиҳои фермерии Тоҷикистон А.Шарифов Раиси Иттифоқи дорусозони Тоҷикистон Л.Мингбоев Раиси Ассотсиатсияи тибби халқии Тоҷикистон М.Тоҳирӣ Раиси Ассотсиатсияи сохтмончиёни Тоҷикистон Ф.Раҷабов Муншии умумии Ассотсиатсияи соҳибкорони Тоҷикистон С.Мирзоев Директори Маркази дастгирӣ ва рушди соҳибкории ш.Душанбе А.Раҳматзода Мудири иҷроияи Ассотсиатсияи соҳибони ресторанҳо ва меҳмонхонаҳои Тоҷикистон Т.Каримов Раиси Ассотсиатсияи «Сохтмончиён» Т.Холиқова Раиси Ассотсиатсияи миллии тиҷорати хурду миёнаи Тоҷикистон М.Ӯлҷабоева Раиси Ассотсиатсияи муассисаҳои маблағгузории хурди Тоҷикистон Ф.Акбаров Раиси Иттифоқи соҳибкорон ва содиркунандагони моли Тоҷикистон Н.Забиров Раиси Ассотсиатсияи миллии занони соҳибкор ва тоҷири Тоҷикистон Г.Маҳкамова Раиси Ассотсиатсияи миллии занони соҳибкори «Кадбону» С.Раҳимзода Раиси Ассотсиатсияи муассисаҳои мусоидат ба рушди соҳаи туризм дар Тоҷикистон Ф.Файзуллоев Раиси Иттифоқи суратгирони Тоҷикистон Р.Ратушенко Раиси Ассотсиатсияи дорусозони Тоҷикистон Х.Холов Раиси маҳфили соҳибкорони ҷавон М.Мирзоев Муншии умумии Ассотсиатсияи соҳибкорон ва сармоягузорони Туркия ва Тоҷикистон М.Беяз Раиси Ассотсиатсияи сардорони муассисаҳои зиддибӯҳронӣ Т.Шариф Раиси Ассотсиатсияи миллии маркетологҳо ва менеҷерҳои Тоҷикистон Ш.Бозоров Раиси Ассотсиатсияи муассисаҳои автомобили интиқоли мол ба воситаи роҳҳои байналмилалии «АВВАТ» дар Тоҷикистон М.Шокиров Директори Ассотсиатсияи «Маркази дастгирии тиҷорат» М.Петрушков Раиси Ассотсиатсияи дастгирӣ ва рушди соҳибкорӣ дар Тоҷикистон Д.Ҷумъаев Мудири иҷроияи Ассотсиатсияи амрикоии «АМЧАМ» Ф.Раҳимова Раиси Ассотсиатсияи «Агробизнес» — и Тоҷикистон Ш.Шораҳматов
Имрӯз дар шаҳри Душанбе ҳаво то 37 дараҷа гарм мешавад
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
