ОМӮЗИШГОҲИ ОЛИИ МАРЗБОНОН ТАЪМИР МЕШАВАД
Душанбе, 2 март. (АМИТ «Ховар», Фарангис Раҳимова). — Шӯъбаи назорати маводи нашъадор ва ҳифзи тартиботи Сафоратхонаи ИМА дар Тоҷикистон тармими Омӯзишгоҳи олии марзбононро дар шаҳри Душанбе давом медиҳад. Аз сафорати ИМА ба АМИТ «Ховар» хабар доданд, ки дар даври аввали тармими бинои омӯзишгоҳ ба маблағи бештар аз 1 миллион доллар корҳо иҷро карда шуданд. Аз ҷумла, биноҳои кӯҳнаю фарсуда вайрон карда, ба ҷои онҳо барои талабагони омӯзишгоҳ бинои нави истиқоматӣ сохта, бо оби гарму хунук таъмин карда шуд. Инчунин барои омӯзишгоҳ мебел харида шуд. То охири моҳи май ошхона, толори варзиш, гараж ва гузаргоҳи назоратии нави омӯзишгоҳ сохта, системаи гармидиҳии он пурра таъмир карда мешавад. Тармими бинои омӯзишгоҳро Ширкати муҳандисӣ ва сохтмони иншооти «Боздемир» — и Туркия ба зимма гирифтааст, ки дар озмуни байналхалқӣ ғолиб омада буд. Барои тармими бинои омӯзишгоҳ Ҳукумати ИМА маблағ ҷудо кардааст. Иёлоти Муттаҳида барои беҳтар сохтани сифати таълими афсарони артиши марзбони Тоҷикистон ва умуман таъмини амнияти мамлакат кӯмак мерасонад.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
