РӮЙХАТИ МАҶЛИСИ ВАКИЛОНИ МАҶЛИСИ ВИЛОЯТӢ ЭЪЛОН КАРДА НАШУД

Хуҷанд,  4 март. (АМИТ «Ховар»,  Санавбар  Мақсудова). —  Раиси  комиссияи  интихоботи Маҷлиси вакилони мардумии вилояти   Суғд  Наим  Маликисломов   зимни  сӯҳбат  бо  хабарнигорон  гуфт, ки   28  феврал  дар  вилояти  Суғд  аз  130   номзади  вакили Маҷлиси мардумии вилоят 67 нафар  интихоб  шуд. Барои  гузаронидани  интихобот  дар  вилоят  70 қитъаи  интихоботӣ  ташкил   карда шуд.  Рӯзи  интихобот   мебоист  70 вакили   Маҷлиси вилоят интихоб  карда  мешуд. Вале  аз  сабаби    он, ки дар  қитъаҳои  интихоботии  № 9  шаҳри  Исфара,  № 17 шаҳри  Конибодом  ва  № 31 шаҳри  Истаравшан ягон  номзад  миқдори  зарурии   овозҳоро  ба  даст оварда навтонист, дар ин қитъаҳо овоздиҳии   такрорӣ   гузаронида  мешавад. Қайд  карда шуд, ки  аз  67   вакили  интихобшудаи  Маҷлиси  вилоят  1  нафар  узви  Ҳизби  агарарӣ,  2  нафар  узви Ҳизби  коммунист,  2  нафар ғайриҳизбӣ  ва  62  нафари  дигар  аъзои Ҳизби халқии  демократӣ   мебошанд.  12  нафари   вакилон  занонанд. Аз  ҷумлаи  вакилони  интихобшуда  60  нафар  тоҷик ва  7  нафар ӯзбек  мебошанд. Н.Маликисломов   зикр  намуд, ки   рӯйхати  вакилони  ба  Маҷлиси  мардумии вилоят  интихобшуда  алҳол қироат   карда намешавад ва  дар  яке  аз  шумораҳои наздиктарини рӯзномаю  ҳафтаномаҳои  вилоятӣ  чоп  карда  хоҳад  шуд.