СӮҲБАТИ И.ШУВАЛОВ БО ХАБАРНИГОРОН
Душанбе, 2 март. (АМИТ «Ховар», Фарангис Раҳимова). — Муовини раиси ҳукумати Федератсияи Русия Игор Шувалов дирӯз баъди анҷоми мулоқоташ бо Президенти Ҷумҳурии Тоҷикистон Эмомалӣ Раҳмон бо хабарнигорон сӯҳбат кард. Вай зикр намуд, ки 8 май дар Маскав ба муносибати ҷашни 65 – солагии Ғалаба дар Ҷанги Бузурги Ватанӣ мулоқоти ғайрирасмии сарони давлатҳои ИДМ баргузор мегардад. Раёсати ИДМ дар соли 2010 ба зиммаи Русия гузошта шудааст. Бинобар ин вазифаи асосӣ таҷлили муштараки ҷашни 65 — солагии Ғалаба дар Ҷанги Бузурги Ватанӣ мебошад. Ин ғалабаи умумии ҳамаи халқҳои Шӯравӣ бар фашизм аст. Мо дар давоми соли 2010 дар самти ривоҷ додани илм ва технологияи нав дар тамоми қаламрави ИДМ тадбирҳо меандешем. Дар ин масъала нақшаи мушаххас таҳия шудааст. Бахшида ба илм ва истифодаи технологияи нав дар давоми соли 2010 дар яке аз минтақаҳои Русия конфронси махсус даъват карда мешавад. Дар он аъзои ҳукуматҳои ҳамаи мамлакатҳои ИДМ иштирок хоҳанд кард, гуфт Шувалов. Вай зикр намуд, ки дар ҷараёни мулоқот бо Президент масъалаҳои ҳамкорӣ дар доираи ИДМ муҳокима карда шуданд. Қайд карда шуд, ки роҳбарони Русия ва Тоҷикистон барои ҳалли масъалаҳои муҳимтарини муҳоҷирати меҳнатӣ тадбирҳои судбахш меандешанд. Дар ин бобат Ҳукумати Тоҷикистон ба ҷониби Русия таклифҳои судбахш пешниҳод кардааст. Русия низ барои амалӣ сохтани онҳо тадбирҳои зарурӣ меандешад. Пешниҳод карда шуд, ки коргарони муҳоҷир дар худи Тоҷикистон касб омӯхта, баъд ба хориҷи кишвар фиристода шаванд. Мақомоти давлатии Русия барои таъминоти иҷтимоии коргарони мутахассиси тоҷик тамоми тадбирҳоро меандешанд. Мо ба хубӣ медонем, ки дар ин масъала баъзе зуҳуроти миллатгароӣ ва таассуби миллӣ ҷой дорад. Мақомоти Русия ба муқобили чунин зуҳуроти номатлуб мубориза мебаранд. Мо медонем, ки дар Тоҷикистон барои омӯхтани забони русӣ тадбирҳои муҳим андешида мешаванд. Дар ин бобат дар Тоҷикистон кушодани маркази фарҳангии Русия аҳамияти калон дорад, гуфт Игор Шувалов.
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
