ТӮҲФА БА ЗАНОН

Хуҷанд,  9 март. (АМИТ «Ховар»,  Санавбар Мақсудова). —  6 март  дар Театри  мусиқию  мазҳакавии ба  номи  Камолиддини  Хуҷандӣ   ба  муносибати  Рӯзи  Модар  ҷамъомади  ботантана  баргузор гардид, ки  дар  он  600  нафар   собиқадорони  меҳнат,  занони  фаъол  ва  пешқадамони  истеҳсолот  ширкат  варзиданд. Ҷамъомадагонро   раиси  вилоят  Қоҳир  Расулзода табрик намуда,  ба  ҳар  кадоми  онҳо ба  маблағи  100 сомонӣ  саҳмияи  НБО «Роғун» — ро  тӯҳфа  кард. Умуман  ба  маблағи  60  ҳазор  сомонӣ  саҳмияҳои  Роғун  тӯҳфа  карда  шуд. Дар  фарҷоми  ҷамъомад  консерти  калони  идона барпо  гардид. Мухбири  АМИТ «Ховар»  хабар  медиҳад, ки   дар  вилояти  Суғд  то  9  март  ба  маблағи  182  миллиону  777, 5   сомонӣ  саҳмияҳои  Ҷамъияти   саҳҳомии  НБО  «Роғун»   фурӯхта шудааст. Аз  ҷумла,   сокинони  ноҳияи  Бобоҷон  Ғафуров  ба  маблағи  31  миллиону   185  ҳазор  сомонӣ  ва   сокинони  шаҳри  Хуҷанд  ба  маблағи  29  миллиону 622  ҳазор  сомонӣ  саҳмия  хариданд.