ҚОИДАҲОИ САБТИ НОМИ ШАҲРВАНДОНИ МАМЛАКАТҲОИ ИДМ ТАҒЙИР ЁФТАНД

Душанбе,  16 апрел. (АМИТ «Ховар», Наталя  Михайлова). —  Намояндаи  расмии Вазорати  корҳои  хориҷии  Қазоқистон Аскар  Абдураҳмонов   15  апрел  зимни  мулоқот  бо  хабарнигорон  дар  бораи  тағйир  дода шудани  қоидаҳои  сабти  номи шаҳрвандони  мамлакатҳои  ИДМ дар  қаламрави  Ҷумҳурии  Қазоқистон  хабар  дод.  Вай  зикр  кард, ки дар  доираи  тадбирҳои ташкили  Иттифоқи  гумрукии  Ҷумҳурии  Қазоқистон, Ҷумҳурии Белорусия  ва  Федератсияи  Русия  бо  фармони якҷояи  Кумитаи  амнияти  миллӣ,  вазорати  корҳои дохилӣ  ва  вазорати  корҳои  хориҷии  Қазоқистон  аз  13  апрели  соли  равон  ба Қоидаҳои  ба  ҳисоб  гирифтани   шаҳрвандони  хориҷӣ   дар  Ҷумҳурии  Қазоқистон» тағйирот  ворид  карда шуд.  Дар  натиҷа, тартиби  ягонаи  ба  қайд  гирифтани  шаҳрвандони  мамлакатҳои  ИДМ  дар  қаламрави  Қазоқистон  муқаррар  карда  мешавад,  гуфт  А.Абдураҳмонов.  Аз  чумла,  шаҳрвандони  ҳамаи  мамлакатҳои  ИДМ, ки  ба  қаламрави Ҷумҳурии Қазоқистон  ворид  мегарданд,  бояд  дар  давоми  5  рӯз  дар  муассисаҳои  политсияи  муҳоҷирати   мақомоти  корҳои дохилии  маҳалли истиқомати  муваққатиашон  ба  қайд  гирифта шаванд.    А.Абдураҳмонов  хабар  дода, ки  аз  13  апрел  тартиби  пештараи  бақайдгирии  шаҳрвандони  хориҷӣ  дар  қаламрави  Қирғизистон  бекор  карда шуд. Қабл  аз ин  шаҳрвандони  Қирғизистон дар  қаламрави  Қазоқистон  дар  давоми  90  рӯз   ва  шаҳрвандони Тоҷикистон  дар  давоми  30  рӯз  ба  қайд  гирифта шаванд.