ҶАВОНОНИ БОХТАР БО ЧӢ МАШҒУЛАНД?

Қӯрғонтеппа, 16 апрел.(АМИТ«Ховар», Юсуфбек Беков).- Шоин Комилов мудири шӯъбаи таблиғот ва кор бо ҷавонони Ҳизби Халқии Демократии Тоҷикистон ба мухбири АМИТ «Ховар» итиллоъ дод, ки дар ноҳияи Бохтар якҷоя бо раёсати Агентии давлатии ҳифзи иҷтимоӣ, шуғли аҳолӣ ва муҳоҷирати меҳнатии ноҳияи Бохтар дар муддати се моҳи соли ҷорӣ 3 маротиба ярмаркаи ҷойҳои кори холӣ баргузор гардид, ки дар натиҷаи онҳо 18 нафар соҳиби ҷои кори доимӣ гашта, 110 нафар ба корҳои муздноки ҷамъиятӣ ҷалб гардиданд, ҳамчунин 40 нафар ба курсҳои касбомӯзӣ, 60 нафар ба бозомӯзи роҳхат гирифтанд. Ёдрас шудан ба маврид аст, ки имрӯзҳо дар ноҳияи Бохтар беш аз 90 ҳазору 555 нафар ҷавонони аз синни 14 то 30 сола зиндагӣ мекунанд, ки 17 нафарашон дар мақомоти роҳбарикунанда фаъолият дошта, 820 нафар омӯзгор мебошанд, ҳамчунин 454 ҷавони ин ноҳия дар донишгоҳу донишкадаҳои мамлакат таҳсили илм намуда истодаанд. Аз ин миқдор ҷавони дар ноҳия буда, 907 нафаршон аъзои ҲХДТ мебошанд.