403 КГ АНГИДРИДИ КИСЛОТАИ УКСУС ДАРЁФТ КАРДАНД

Душанбе, 28 апрел. (АМИТ «Ховар», Жасмин Назарова). – Тавре аз маркази матбуоти Хадамоти гумруки назди Ҳукумати Ҷумҳурии Тоҷикистон иттилоъ доданд, аз ҷониби кормандони Раёсати минтақавии гумрукӣ дар вилояти Суғд буда, ҳангоми гузаронидани амалиёти фаврӣ 29 марти соли равон дар роҳи нақлиётгарди ҳудуди ҷамоати Чилгазии ноҳияи Исфара, автомашинаи тамғаи «Опел — Астра» таҳти ронандагии Абдусалом Ҳалимов дар вақти гузарондани муоинаи гумрукӣ, боздошт шуд. Дар рафти гузарондани муоини гумрукӣ дохили автомашина 20 адад зарфҳои пласмасини ғунҷоишаш 20 литр буда, дар он маҳлули беранги шаффофи дорои бӯи тез дошт, дарёфт ва мусодира карданд. Тавре маълум гашт, ки зарфҳои мазкур ба шаҳрванд Рустам Юсупови 33 сола, истиқоматкунандаи ноҳияи Б.Ғафурови вилояти Суғд тааллуқ дошт. Номбурда моли мазкурро ба Ҷумҳурии Тоҷикистон аз Ҷумҳурии Қирғизистон бо роҳи ғайрирасмӣ ворид намудааст. Тибқи маълумоти ташхиси озмоишгоҳи Раёсати агентии назорати маводҳои нашъаовари назди Президенти ҶТ маҳлули беранги шаффофи дорои бӯи тез дошта ба гурӯҳи перекурсорҳо, яъне ангидриди кислотаи уксус дохил буда, вазнаш 403 кг 860 гр ташкил медод. Нисбати ин далел парвандаи ҷиноӣ оғоз шуда, маводҳо барои бурдани тафтишоти пешакӣ ба прокуратура шаҳри Исфара ирсол карда шудааст.