40952 НАФАР АЗ ЗЕРЛОИҲАҲО ИСТИФОДА МЕБАРАНД

Душанбе, 29 апрел. (АМИТ «Ховар», Лаззат Диловарзод).- Тибқи маълумоти директори лоиҳаи маркази  дастгирии хусусигардонии хоҷагиҳо    Т. Остонаев, дар «Ҳавзаи дарёи Ванҷоб» оид ба рафти татбиқи лоиҳа дар 6 ҷамоат – ( Жовид, Рованд, Язгулом, Рохарв, Техарв ва Водхуд) марказ ҳамкориро ба роҳ мондааст. Бо мақсади амалӣ гардонидани лоиҳа, пениҳоди зерлоиҳаҳои аҳолӣ мавриди  татбиқ қарор  дода шудаанд.        Дар «Ҳавзаи дарёи Ванҷоб» 198 лоиҳаҳо аз рӯи се компанент мавриди амал қарор доранд, ки 5787 хоҷагӣ фарогири он мебошанд ва зиёда аз 40 ҳазору 900 нафар аз ин зерлоиҳаҳо истифода мебарад. Бо дарназардошти саҳми аҳолӣ, маблағи азхудкардаи зерлоиҳаҳо 619 ҳазору 595 доллари амрикоиро ташкил медиҳад, ки аз он 487 ҳазору 85 долларашро маблағҳои бебозгашт (грантӣ) ташкил медиҳанд.