8 КУШТОР ДАР ХАТЛОН

Қӯрғонтеппа, 28 апрел. (АМИТ «Ховар», Юсуфбек Беков).- Дар муддати се моҳи соли равон дар вилояти Хатлон 8 ҷинояти куштор ба қайд грифта шудааст,ки  нисбат ба семоҳаи соли гузашта 5 ҷиноят зиёд мебошад. Дар ин бора ба мухбири АМИТ «Ховар» Варқа Зайниддинов, ёрдамчии калони прокурори вилояти Хатлон иттилоъ дод. Ёдрас мешавем,ки ҷиноятҳои куштор дар ноҳияҳои Қубодиён, Восеъ, Бохтар, Ҷалолиддини Рӯмӣ, Панҷ, Ҷиликӯл (1 ададӣ) ва шаҳри Кӯлоб (2 адад) рух додаанд. Варқа Зайниддинов, инчунин изҳор дошт, ки аз ин ҷиноятҳо то имрӯз аллакай 2 ададаш бо тасдиқи фикри айбдорӣ ба суд ирсол карда шудааст. «Тафтишоти пешакии 5 парвандаи ҷиноятии дигар идома дошта, дар назар аст, ки онҳо низ рӯзҳои наздик ба суд ирсол карда шаванд», — афзуд ӯ.