А. ҚОДИРӢ: 98 НАФАР БА КОР ФИРИСТОДА ШУД

Душанбе,  29 апрел. (АМИТ «Ховар», Ибодат Давлатова). — 29 апрели соли ҷорӣ дар Сирки давлатии  Тоҷикистон   ярмаркаи умумишаҳрии ҷойҳои кори холӣ ва вазифаҳои озод бо ташаббуси Сарраёсати Агентии давлатии ҳифзи иҷтимоӣ, шуғли  аҳолӣ ва муҳоҷират дар якҷоягӣ бо Раёсатҳо дар ноҳияҳои  Исмоили Сомонӣ, Шоҳмансур, Фирдавсӣ ва Сино  баргузор шуд. Тарве ба мухбири АМИТ «Ховар»  сардори Шӯъбаи робитаҳои байналмилалӣ ва ҷамъиятӣ Абдуллои Қодирӣ   иттилоъ дод, дар ярмарка 40 корхонаю муассисаҳо аз шаҳри Душанбе иштирок намуда, ба корҷуён 1511 ҷойҳои кори холиро пешниҳод намуданд. Корҷӯёне, ки дар ярмарка иштирок намуданд 730 нафарро ташкил доданд. Шумораи шахсони ба кор фиристодашуда 98 нафар ва афроде, ки ба омӯзиш роҳхат дода шуданд 16 нафарро гирифтанд.  Дар тадқиқотҳои сотсиологӣ 30 нафар иштирок намуда, ба 23 нафар машваратҳои касбӣ дода шуд. Инчунин, ба 10 нафар аз шаҳрвандоне, ки дар ярмарка иштирок намуданд, ҷиҳати омӯзиши курсҳои касбомӯзӣ ба Маркази таълимии калонсолон равона гардиданд, қайд намуд А.Қодирӣ.