АМАЛИЁТИ ФАВРӢ-ҶУСТУҶӮӢ БЕФОИДА НАБУД

Душанбе, 16 апрел. (АМИТ «Ховар», Жасмин Назарова). – Тавре аз дафтари матбуоти Раёсати мубориза бар зидди маводи мухаддир Вазорати корҳои дохилии Ҷумҳурии Тоҷикистон, аз тарафи кормандони милисаи ноҳияи Шоҳмансур ҳангоми гузарондани чораҳои фаврӣ-ҷустуҷӯӣ дар кӯчаи А. Дониши пойтахт шаҳрванди 24 сола Давлатқадам Ошомаҳмадов истиқоматкунандаи ноҳияи Ваҳдат дастгир карда шуд. Ҳангоми азназаргузаронии борхалтаи Д. Ошомаҳмадов дар халтаи полиэтиленӣ маводи нашъадори навъи ҳашиш, ки вазнаш 1 кг 34 гр ташкил медод, дарёфт ва мусодира карда шуд. Инчунин ҳаммаслақи ӯ Алишер Рамазонови 26 сола, истиқоматкунандаи шаҳри Хоруғ, дастгир карда шуд. Нисбати ин далел парвандаи ҷиноӣ оғоз шуда, тафтишот идома дорад.