БА ҚОНУНИ ИХТИРООТИ МАХФӢ ТАҒЙИРОТ ВОРИД КАРДА МЕШАВАД

Душанбе, 26 апрел.(АМИТ «Ховар», Марзия Саидова).- Лоиҳаи Қонунҳои Ҷумҳурии Тоҷикистон оид ба ворид намудани тағйиру иловаҳо ба Қонунҳои Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2010», «Дар бораи  маориф», «Дар бораи ипотека», «Дар бораи ихтирооти махфӣ», «Дар бораи барӯйхатгирии аҳолӣ», «Дар бораи паррандапарварӣ» дар ҷаласаи навбатии палатаи поёнии парлумони мамлакат, ки 26 аперл таҳти раёсати Раиси Маҷлиси намояндагони Маҷлиси Олии ҷумҳурӣ Шукурҷон Зуҳуров доир гардид баррасӣ шуданд. Зимни баррасии масъалаҳои мазкур раисони Кумитаҳои палатаи поёнии парлумони мамлакат Сафаралӣ Раҷабов, Марҳабо Ҷабборова, Маҳмадалӣ Ватанов ва Саиди Ёқубзод зикр карданд, ки ҳадафи таҳияи қонунҳои мазкур рушди минбаъадаи соҳаҳои гуногуни иқтисодиёти мамлакат мебошад. Дар ҷаласа ҳамчунин,  масъала дар бораи намояндаи Маҷлиси намояндагони Маҷлиси Олии Ҷумҳурии Тоҷикистон дар Суди конститутсионии Ҷумҳурии Тоҷикистон ва Шӯрои адлияи Ҷумҳурии Тоҷикистон баррасӣ гардид.