БА БУҶЕТИ ДАВЛАТӢ ИЛОВА ВОРИД КАРДА МЕШАВАД

Душанбе, 12 апрел. (АМИТ «Ховар», Марзия Саидова).- 12 апрел таҳти  раёсати Раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров ҷаласаи навбатии иҷлосияи Маҷлиси намояндагони Маҷлиси Олии ҷумҳурӣ баргузор гардид. Дар ҷаласа лоиҳаи Қонунҳои Ҷумҳурии Тоҷикистон «Оид ба ворид намудани илова ба Қонуни Ҷумҳурии Тоҷикистон « Дар бораи Буҷети давлатии Ҷумҳурии Тоҷикистон барои соли 2010»,  «Дар бораи фаъолияти бонкӣ», «Дар бораи ипотека», «Дар бораи ворид намудани иловаҳо ба қисми дуюми Кодекси граждании Ҷумҳурии Тоҷикистон», «Оид ба ворид намудани тағйирот ба Кодекси ҷиноятии Ҷумҳурии Тоҷикистон»,  «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи иттиҳодияҳои ҷамъиятӣ», «Дар бораи ҳимояи  давлатии иштирокчиёни  мурофиаи судии ҷиноятӣ», «Дар бораи истеҳсолоти иҷро» ва як қатор Созишномаҳои байналмилалӣ баррасӣ гардиданд. Роҷеъ ба масъалаҳои зикргардида, раисони Кумитаҳои Маҷлиси намояндагон Сафаралӣ Раҷабов, Маҳмадалӣ Ватанов, Шермуҳаммад Шоҳиён ва Амир Катаев табодули назар карда, муҳимияти онҳоро дар рушди ҷомеаи Тоҷикистон баён карданд.