Э.РАҲМОН ТАДБИРҲОИ ИЛОВАГИИ ТАҚВИЯТИ МУҚОВИМАТ БА КОРРУПСИЯРО ТАСДИҚ НАМУД
30 апрели соли 2010 Президенти Ҷумҳурии Тоҷикистон Эмомалӣ Раҳмон бо имзои фармон Тадбирҳои иловагии тақвияти муқовимат ба коррупсияро тасдиқ намуд. Тадбирҳои мазкур дар асоси Конвенсияи Созмони Милали Муттаҳид бар зидди коррупсия ва Қонуни Ҷумҳурии Тоҷикистон «Дар бораи мубориза бар зидди коррупсия» таҳия шуда, масъулияти иҷрои онҳо, пеш аз ҳама, ба зиммаи роҳбарони аввали вазорату идораҳо, ташкилоту муассисаҳо ва мақомоти иҷроияи маҳаллии ҳокимияти давлатӣ вогузор карда мешавад. Ҳукумати Ҷумҳурии Тоҷикистон вазифадор мегардад, ки оид ба таъмини иҷрои тадбирҳои иловагии зиддикоррупсионӣ дар зарфи 3 моҳ нақшаи чорабиниҳо таҳия ва тасдиқ намуда, татбиқи амалии онро таҳти назорати доимӣ қарор диҳад. Тадбирҳои иловагии мазкур аз мукаммалу мувофиқ намудани санадҳои меъёрӣ – ҳуқуқии дахлдор, аз ҷумла як зумра кодексу қонунҳо, такмили идоракунии давлатӣ, иштироки аҳли ҷомеа дар мубориза бо чунин падидаи номатлубу нангин ва пурзўр намудани ҷавобгарӣ барои содир намудани ҷинояту ҳуқуқвайронкуниҳои коррупсионӣ иборат аст. Тадбирҳои иловагии тақвияти муқовимат ба коррупсия, пеш аз ҳама, ба ошкор ва бартараф намудани шароити пайдоиши коррупсия, беадолатӣ ва маҳдуд кардани ҳуқуқи инсон равона гашта, амалисозии онҳо ба таҳкими амнияти давлат, таъмини тараққиёти иҷтимоию иқтисодӣ ва болоравии обурўву нуфузи байналмилалии кишвар мусоидати фаъол мекунад. Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.
Имрӯз дар Тоҷикистон сар задани селҳои пиряхӣ аз эҳтимол дур нест
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
Ба Тоҷикистон ба маблағи зиёда аз 443 миллион доллар маҳсулоти нафтӣ ворид карда шудааст
