ФАЪОЛИЯТИ НОЗИРОНИ МИНТАҚАВӢ СУСТ АСТ

ВМКБ,  23 апрел. (АМИТ «Ховар», Л.Додо).-  Дар нишасти матбуотие, ки 21 апрели соли ҷорӣ  баргузор гардид, сарварони Раёсати корҳои дохилаи ВМКБ ширкат варзиданд. Дар нишасти матбуотӣ иттилоь дода шуд, ки дар се моҳи соли ҷорӣ 71 ҷиноят ба қайд гирифта шуд, ки нисбат ба ҳамин давраи соли 2009 20 адад камтар аст. Ошкоркунии ҷиноят 83,8 дарсад ва нисбат ба се моҳи аввали соли 2009  2 дарсад зиёдтар аст. Аз 19 дуздӣ ва 9 авбошӣ 6-то ошкор гардиданд. 56 нафар дар кофтукови ҷиноятӣ буданд, ки 22 нафарашон дастгир шуданд, дар се моҳи аввали  соли 2009 ҳамагӣ се нафар ҷинояткор дастгир шудаанд. Аз аҳолӣ 70 адад силоҳ гирд оварда шуд. Ҳамзамон қайд карда шуд, ки фаъолияти нозирони минтақавӣ, ки чашму гӯши милиса дар маҳаллҳотанд мувофиқи талаб ба роҳ монда нашудааст. Дар сохторҳои гуногуни раёсат 40 нафар милиса, аз ҷумла дар бозрасии давлатии автомобилӣ 3-нафар намерасад. Ҳанӯз ҳам ба кормандони милиса дарафтодани авбошон ба назар мерасад.