МАҶЛИСИ ШӮРОИ МАҚОМОТИ МУҲОҶИРАТИ ИДМ

Душанбе,  2 апрел. (АМИТ «Ховар», Ибодат  Давлатова). –  16 апрел дар  шаҳри  Ростови  лаби  Дон  маҷлиси  навбатии  Шӯрои   роҳбарони  мақомоти  муҳоҷирати  мамлакатҳои  ИДМ  баргузор  мегардад.  Дар ин  маҷлис  сардори Раёсати  муҳоҷирати  ВКД  Тоҷикистон Сафиаллоҳ Девонаев  иштирок  хоҳад  кард, ки   муовини  раиси   Шӯрои   роҳбарони  мақомоти  муҳоҷирати  давлатҳои  ИДМ   мебошад. Дар  маҷлис  масъалаҳои  марбут ба   вазъи  имрӯзаи  муҳоҷират  дар  мамлакатҳои  ИДМ,   ҳамкории   мақомоту  муассисаҳои  муҳоҷират  бо   созмонҳои байналхалқӣ,  такмили  маҳорати  касбии   кормандони  хадамоти  муҳоҷират,   ҳамкории  мақомоти  соҳавӣ   дар  мубориза ба  муқобили  муҳоҷирати  ғайриқонунӣ  муҳокима  карда  мешаванд.