МУСОБИҚАҲОИ ВАРЗИШӢ БА ИСТИҚБОЛИ ИДИ ҒАЛАБА

Ваҳдат, 7 апрел.(АМИТ»Ховар»,Зебо Давлатова)-Тавре,ки мудири шубаи иҷтимоию фарҳангии дастгоҳи иҷроияи шаҳри Ваҳдат Ислом Ниёзов ба хабарнигори АМИТ»Ховар» иттилоъ дод, бахшида ба истиқболи Иди Ғалаба дар шаҳри Ваҳдат мусобиқаҳои варзишӣ гузаронида шуда истодааст.Имрӯз дар байни 24 дастаҳои ҷамоатҳои деҳот ва маҳаллаҳои маркази шаҳр мусобиқаи футбол гузаронида шуд.Қабл аз шурӯи бозӣ,дастаҳо ба маблағи 5 ҳазор сомонӣ саҳмияҳои нерӯгоҳи Роғунро харидори намуда, барои даври ниҳои тӯҳфа намудан ба дастаҳои ғолиб омодагӣ диданд.Давраи ниҳои дар майдони варзишии ҷамоати шаҳраки Нуъмон Розиқ баргузор гардид.Ғолиби мусобиқа, дастаи «Ҳоҷиқатаған»-и ҷамоати деҳоти Баҳор дониста шуда аз ҷониби мақомоти иҷроияи давлатии шаҳр,Ассотсиатсияи тоҷикзабонони Қирғизистон  ва ҷамоати шаҳраки Нуъмон Розиқ бо ифтихорномаю кубок ва саҳмияҳо сарфароз гардонида шуданд,гуфт Ислом Ниёзов.