НАМОИШИ АСАРҲО БАХШИДА БА ИДИ ҒАЛАБА

Душанбе, 30 апрел. (АМИТ «Ховар», Лутфия Эшонкулова).-Рўзи 6 майи соли равон Вазорати фарҳанг дар якҷоягӣ бо Академияи мусавварӣ, Бунёди мусавварӣ ва Осорхонаи миллии Тоҷикистон бахшида ба 65-солагии Рўзи Ғалаба дар Ҷанги Бузурги Ватанӣ намоиши асарҳои рассомии халқии Комил Ёдгор  баргузор мекунад. Дар ин намоишгоҳ асарҳои  дар 25 соли охир офаридаи рассом ба маърази тамошо гузошта мешавад, ки дар онҳо таърихи гузаштаи мардуми тоҷик, ҳаёти имрўзи мардум, дар умум, эҳсоси дарди ҷомеа инъикос ёфтаанд. Даромад ба ин намоишгоҳ озод буда, ҳамчунин намояндагон аз  сафоратхонаҳои хориҷии дар Тоҷикистон воқеъбуда, кормандони ҳукумати ҷумҳурӣ ва аҳди илму адаб  ширкат хоҳанд кард. Дар ин бора  ба АМИТ «Ховар» аз Маркази матбуоти Вазорати фарҳанги ҶТ хабар доданд.