НАМОИШИ СУРАТҲОИ СОЛҲОИ ҶАНГ

Душанбе,  29 апрел. (АМИТ «Ховар», Наталя Михайлова). —  Дар  майдони  назди  Театри опера  ва балети ба  номи  Садриддин Айнӣ  ба  муносибати  65 – солагии  Ғалаба дар Ҷанги  Бузурги  Ватанӣ намоишгоҳи  суратҳои  солҳои  ҷанг  кушода шуд. Ташкилкунандаи  намоиши  суратҳо  намояндагии Агентии  ҳамкории гуманитарии   Русия  бо мамлакатҳои  дигари  ИДМ   мебошад. Дар  намоишгоҳ  зиёда  аз  200  акси  дар  давоми  солҳои  1941 – 45  гирифтаи  мухбирон пешкаши  тамошобинон  карда  мешавад.  Муаллифи  аксарияти  суратҳо  сармуҳаррири собиқи  шӯъбаи   ахбори  мусаввари  ТоҷикТА  Леонид Окунев ва  журналисти тоҷик,  раиси Иттифоқи  суратгирони  Тоҷикистон Геннадий  Ратушенко  мебошанд. Намоишгоҳи  суратҳоро  то  миёнаҳои   моҳи  май  тамошо  кардан  мумкин аст.