ОЗМУН БАРОИ ЖУРНАЛИСТОН
Душанбе, 3 апрел. (АМИТ «Ховар», Марзия Саидова). — Созмони ҷамъиятии «Хома» бо дастгирии созмони «Акт Централ Азия» дар байни журналистони Тоҷикистон дар мавзӯи «Тағйири иқлим» озмуни эҷодӣ эълон менамояд. Дар озмун кормандони ҳамаи воситаҳои ахбори оммавӣ, аз ҷумла рӯзномаю маҷаллаҳо, радиою телевизион ва ғайра ширкат варзида метавонанд. Дар мақолаҳо ва асарҳои ба озмун пешниҳодшаванда бояд проблемаҳои экологии Тоҷикистон вобаста ба тағйири иқлим инъикос карда шаванд. Асарҳо барои озмун аз 1 то 27 апрел ба Созмони ҷамъиятии «Хома» пешниҳод карда мешаванд. Яке аз шартҳои озмун ҳамин аст, ки маводи ба он пешниҳодшаванда бояд дар матбуот чоп шуда, ба воситаи радио шунавонида ё дар телевизион намоиш дода шуда бошанд. Аз рӯи натиҷаҳои озмун иштирокчиёни машғулиятҳои оянда дар мавзӯи «Огоҳии аҳолӣ аз тағйири иқлим тавассути расонаҳои гурӯҳӣ» интихоб карда мешаванд. Аз байни иштирокчиёни озмун се нафар ғолиб муайян карда хоҳад шуд. Онҳо моҳи ноябри соли 2010 дар конфронси ҷаҳонии СММ иштирок хоҳанд кард, ки дар Мексика баргузор мегардад.
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
Имрӯз дар баъзе ноҳияҳои кӯҳии Тоҷикистон бориши борону барф пешгӯӣ мешавад
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
