ПАРВОЗИ ҲАВОПАЙМОҲО ДАР БАЙНИ ТОҶИКИСТОНУ АФҒОНИСТОН БЕШТАР МЕГАРДАД
Душанбе, 15 апрел. (АМИТ «Ховар», Покиза Маҳмадбекова). — Раиси Палатаи савдо ва саноати Ҷумҳурии Тоҷикистон Шариф Саид 13 апрел бо мушовири техникии раёсати шаҳрсозии Вазорати рушди шаҳрҳои Давлати Исломии Афғонистон Ҳоҷӣ Фазлуддин Содиқӣ мулоқот кард. Зимни мулоқот масъалаҳои марбут ба муносибатҳои дуҷонибаи тиҷоратию иқтисодӣ дар соҳаи сохтмон ва хариду фурӯши масолеҳи бинокорӣ дар байни ҳар ду мамлакат мавриди баррасӣ қарор гирифтанд. Шариф Саид нақши мусбати намоишгоҳи ба қарибӣ дар Душанбе баргузоргардидаи Афғонистонро махсус таъкид намуд. Зикр шуд, ки ба туфайли намоишгоҳи мазкур хариду фурӯши мол дар байни ҳар ду кишвар хеле афзуд ва умед аст, ки равобити тиҷоратии ҳар ду мамлакат хусусан дар соҳаҳои сармоягузорӣ ва сохтмон вусъат хоҳад ёфт. Мусоҳибон изҳор карданд, ки вақтҳои охир зарурати зиёд кардани парвози ҳавопаймоҳо дар байни Тоҷикистону Афғонистон ба миён омадааст. Дар робита паймон карда шуд, ки ҳавопаймоҳо байни ҳар ду кишвар дар як ҳафта чор маротиба парвоз кунанд.
Дар Ҳисор дар мавзуи муқовимат ба коррупсия конфронси илмӣ доир гардид
Ҷалби ташкилоти хориҷӣ ба Форуми байналмилалии «Dushanbe Invest 2025» баррасӣ гардид
«МегаФон Life»: осонтар, зудтар ва муносибтар аст
Имрӯз дар Тоҷикистон ҳавои тағйирёбанда шуда, сар задани селҳои пиряхӣ аз эҳтимол дур нест
Беш аз 50 хонаводаи маҳаллаи Деҳқонободи ноҳияи Мастчоҳ бо оби нӯшокӣ таъмин мегарданд
Лоиҳаи Харитаи роҳ доир ба татбиқи ташаббусҳо дар самти «Ояндабинии Осиёи Марказӣ– 2050» муаррифӣ шуд
Дар ноҳияи Ашт соҳилҳои рӯди маҳаллӣ мустаҳкам карда мешаванд
Имрӯз дар Тоҷикистон чангу ғубор ба амал меояд
Дар Суғд ҷаласаи сайёри Кумитаи иҷроияи марказии Ҳизби Халқии Демократии Тоҷикистон доир гардид
Имрӯз дар Тоҷикистон сар задани селҳои пиряхӣ дар назар аст
ТАҚВИМИ АМИТ «ХОВАР»: имрӯз 12 август, сешанбе, 224-умин рӯзи соли 2025 аст
Барои хатмкунандагони муассисаҳои таҳсилоти миёнаи умумӣ ва таҳсилоти ибтидоӣ ва миёнаи касбӣ омӯзиши забони олмонӣ оғоз меёбад
