ПОСБОНӢ БО САГҲОИ ОМӮЗОНИДАШУДА

Душанбе, 19 апрел. (АМИТ «Ховар», Лаззат Диловарзод).- Онҳое, ки дар кӯчаҳои пойтахт бо сагҳои омӯзондашуда дастаҳои посбонони шӯъбаҳои корҳои дохили шаҳри Душанберо дучор меоянд, ҳарон нашаванд,- мегӯяд сардори маркази сагшиносии ВКД- и Ҷумҳурии Тоҷикистон Шӯҳрат Ӯлмасов. Ба наздикӣ 12 нафар кормандони шӯъбаҳои корҳои дохилии шаҳри Душанбе, ки аз курсҳои кӯтоҳмуддати сагшиносӣ гузашта буданд, ба тарзи тантанавӣ ба онҳо шаҳодатнома супорида шуд. Сагҳо дар ҳамаи ҷамъомадҳо ва чорабиниҳо оид ба фаъолияти корҳои фаврӣ — хизматии  кормандони умури дохила мавриди истифода қарор мегиранд ва дар пайдо кардани пул, маводи нашъаовар ва маводи тарканда маҳорати хуб доранд. Боис ба ёдоварист, ки маркази сагшиносӣ ҳанӯз соли 2007 таъсис дода шуда буд ва аз он вақт то имрӯз корҳои зиёде анҷом дода шудааст. Айни замон дар маркази сагшиносӣ 46 саги хизматӣ нигоҳдошта мешавад. Дар  ҳолати зарурӣ, шаҳрвандон тибқи шартнома  аз хизмати сагҳои озмудашуда истифода карда метавонанд.