САДАМАИ МАРГОВАР ДАР КӮЛОБ

Душанбе, 20 апрел. (АМИТ «Ховар», Жасмин Назарова). – Рўзи 19 апрели соли равон ронандаи автомашинаи тамғаи «Опел-Астра» таҳти идораи шаҳрванд Ҷамшед Кароматови 23 сола, сокини шаҳри Кўлоб, ҳангоми ҳаракат аз тарафи кўчаи Сомонӣ дар назди терминали шаҳри Кўлоб қоидаи ҳаракати роҳҳро риоя накарда пиёдагардон Абдуғаффор Қодирови 58 сола ва милисаи қатори шўъбаи хадамоти посбонии шаҳри Кўлоб Абдукарим Саидаҳмадови 22 соларо зада аз пой меафтонад. Дар натиҷа А. Қодиров дар беморхона ба ҳалокат мерасад. Нисбати ин ҳодиса парвандаи ҷиноӣ оғоз шуда, тафтишот идома дорад.