«ШАРОРАҲОИ ҒАЗАЛ» АЗ АШЪОРИ АБУЛҚОСИМ ЛОҲУТӢ

Душанбе, 12 апрел. (АМИТ «Ховар», Лутфия Эшонқулова).-Бахшида ба Рўзи «Пойтахт» Вазорати фарҳанги Ҷумҳуриии Тоҷикистон ва ҳунарпешагони Муассисаи давлатии ансамбли тарона ва рақси «Сомон» барномаи консертиро бо номи «Шарораҳои ғазал» баргузор менамоянд, ки он 15 апрели соли равон дар толори Театри давлатии академӣ-драмавии ба номи А. Лоҳутӣ барпо мегардад.  Барномаи мазкур ашъори устод Абулқосим Лоҳутиро дар бар гирифта, дар он роҳбари гурўҳи мазкур, ҳунарпешаи халқии Тоҷикистон Қурбоналӣ Раҳмон бо услуби хоси ғазалхонии хеш баромад хоҳад кард. Дар ин бора ба АМИТ «Ховар» аз маркази матбуоти Вазорати фарҳанг хабар доданд.