ШИНОСҲО ҲАМ БА НОМУС ТАҶОВУЗ МЕКУНАНД?

Душанбе, 2 апрел. (АМИТ «Ховар», Жасмин Назарова). – Ба шӯъбаи корҳои дохилии №1 ноҳияи Синои пойтахт ҷавонзани 25- сола (ҷиҳати ҳифзи шаъну шарафи ҷабрдида ному насаби онҳо зикр намегардад) бо шикоят муроҷиат намуд. Аз дафтари матбуоти Вазорати корҳои дохилии ҶТ ба АМИТ «Ховар» хабар доданд, ки тибқи иттилои ҷабрдида, шаби 27 марти соли ҷорӣ дар назди ошхонаи «Шабнам», воқеъ дар кӯчаи С.Шерозӣ шахси номаълум ба номуси ӯ таҷовуз кардааст. Кормандони шӯъбаи корҳои дохилии ноҳияи мазкур аз рӯи нишонаҳои гуфтаи ҷабрдида муайян намуданд, ки ин ҷиноятро шаҳрванд Ҷамшед Ёрмадов, соли таваллудаш 1981, сокини ноҳияи Ҳамадонӣ, ки қаблан бо модаи 244 ва 248 КҶ ҶТ доғи судӣ дошт, содир кардааст. Инчунин ба шӯъбаи корҳои дохилии ноҳияи Бохтар ҷавонзани 41- сола (ҷиҳати ҳифзи шаъну шарафи ҷабрдида ному насаби онҳо зикр намегардад) муроҷиат намуд. Тавре ҷабрдида ба кормандони шӯъбаи номбурда иттилоъ дод, ки шиноси ин хонавода Фаррух Фозилови 21- сола 27 марти соли равон ба хонаи ҷавонзани 41-сола меҳмон мешавад. Ф. Фозилов аз набудани соҳибхоназан истифода намуда, ба тарзи зӯроварӣ, духтари ноболиғи 16- солаи ӯро таҷовуз мекунад. Айни замон барои дастгир намудани Ҷ.Ёрмадов ва Ф. Фозилов корҳои фаврӣ-ҷустуҷӯӣ идома дорад.