СОЗМОНИ&#1202ОИ БАЙНАЛХАЛ&#1178&#1250 МУШКИЛОТИ МУНОСИБАТ&#1202ОИ &#1206Т &#1262ЗБЕКИСТОНРО БАРТАРА

           Душанбе,  13 апрел. (АМИТ «Ховар», Фарангис  Раҳимова). —  Намояндаи  доимии  Бонки  рушди Осиё  дар  Тоҷикистон Макото Оҷиро  имрӯз  зимни  нишасти  матбуотӣ ба  хабарнигорон  гуфт, ки   созмонҳои  байналмилалӣ  айни  ҳол  барои  ҳалли  проблемаи   боздошти  вагонҳои  Тоҷикистон  дар  қаламрави  Ӯзбекистон тадбирҳо меандешанд. Умед  аст, ки  ин  проблема  рӯзҳои  наздик  ҳал  карда  хоҳад  шуд.             М.Оҷиро  зикр  намуд, ки   бар  асари  боздошти  транзити  молҳои   Тоҷикистон  дар  ин  мамлакат  нархи   маводи  сӯхт боло  рафта  метавонад.  Қайд  карда  шуд, ки   намояндагони  созмонҳои  байналмилалӣ  аз мавқеи  Ҳукумати  Тоҷикистон  дар  ин  масъала  ба  хубӣ  огоҳанд ва  барои   водор  намудани  мақомоти  Ӯзбекистон  дар  масъалаи  фиристодани  мол  ба  Тоҷикистон тадбирҳо  андешида  мешаванд.               Бояд  гуфт, ки  Бонки  рушди  Осиё  бо  мамлакатҳои  Осиёи  Марказӣ  дар  се  самт – энергетика, тиҷорат  ва  нақлиёт  ҳамкорӣ  мекунад.               Ёдовар  мешавем, ки  Ӯзбекистон  бо  баҳонаҳои гуногун   вагонҳои  пурбори  Тоҷикистонро  дар  қаламрави  худ   нигоҳ  медорад. Мақомоти  расмии  Ӯзбекистон  даъво  доранд, ки  сабаби  боздошти вагонҳои Тоҷикистон  носозии  роҳи  оҳан  ва   зиёд  гардидани  ҳаҷми  интиқоли  мол ба  Афғонистон  мебошад. Вале  ин  даъво  асоси  воқеӣ  надорад. Айни  ҳол  дар  истгоҳҳои роҳҳои оҳани  Ӯзбекистон  зиёда  аз  2000 вагони  пурбори  Тоҷикистон  нигоҳ  дошта шудааст.