СУДУ МУШКИЛОТИ КОРТИ ПЛАСТИКӢ

 Душанбе, 28 апрел. (АМИТ «Ховар», Лаззат Диловарзод).-  Ба гуфти масъулини Бонки Давлатии  «Амонатбонк» 700 нафар нафақагирон бо корти пластикӣ таъмин  гардиданд. «Амонатбонк» минбаъд ҳам пардохти нафақаро тавассути кортҳои пластикӣ ба роҳ мемонад. Оид ба манфиату мушкилоти он хабарнигори АМИТ «Ховар» бо чанд нафар нафақагирони шаҳри Душанбе  сӯҳбатеро анҷом дод, ки на ҳамаи нафақагирон аз суду зиёни он иттилооти хуб  доранд. Яке аз он норозӣ аст, ки аз кортҳои пластикӣ на дар ҳама ҷои   барои  нафақагирон  мувофиқ истифода карда метавонанд. Дар сурати гум кардани корт он  боз даву ғечи зиёдатиро пеш меорад.            Дигар ин ки на ҳамаи нафақагирон аз он бо сабаби  камсаводиашон истифода када метавонанд ва дар ҳолати аз  кӯмаки «дигар» шахс истифода кардани он махфияташро аз даст медиҳад.     Умуман нофаҳмиҳои нафақагирон аз надоштани донишу фахмиши техникаи истифодаи кортҳои пластикист. Ба гуфти корманди  хадамоти матбуот ва рекламаи «Амонатбонк» Одинашо Муродов, ҳоло ин кор ба таври таҷриба гузаронида шуд ва дар охир ҳамаи идораю муассисаҳо ба ҳамин шакли хизматрасонӣ мегузаранд, ки он дар пардохти   маблағҳои шаҳрвандон аз ҳамаи намудҳои хизматрасонӣ беҳтар хоҳад буд. Маблағи дар корти пластикӣ доштаро дар ҳамаи давлатҳои хориҷ бо асъори он иваз кардан мумкин аст.