ТАДҚИҚОТИ ПУРАРЗИШ

ВМБК, 2 апрели. (НИАТ «Ховар», Лутфишо Додо). — То Истиклолият дар ҷумҳурӣ олимони соҳаи забону адабиёт ва тaърих бо теъдоди муайан буданд, аммо дар соҳаи техникӣ бидуни 2-3 тан, ки рисолаи номзадиро ҳимоя кардаанд нафаре дигар буд. Истиқлолият имконият дод, ки дар соҳаи техника низ ҷавонони  тоҷик тадқиқотҳои арзандаро рӯи кор оранд. Ба наздикӣ дар толори Донишгоҳи давлатии Сохтмони шаҳри Москва дар ҳузури олимони шинохта ноиб – ректори Донишгоҳи давлатии шаҳри Хоруғ Имомёрбек Қаландаров дар мавзӯи инкишофи усули гирдоварии деформатсияҳо оиди татбиқ намудани ҳисоби конструкцияҳо ва ба ҳисобгирии ёзандагии пайвастшавӣ рисолаи доктори илмҳои текникиро ҳимоя намуд. Тавре Имомёрбеков Қаландарбеков иттиолъ дод, ин мавзуъ нав буда, имконият медиҳад, ки иншоотҳои баландошёна аз таъсироти заминларза ва неруҳои дигари беруна то қадре эмин ёбанд. Имрӯзҳо натиҷаи тадқиқоти илмӣ дар Пажуҳишгоҳи сохтмонӣ ба зилзила тобовар ва сейсмологияи Академияи илмҳои ҷумҳурӣ, ҷамъиятӣ саҳҳомии шакли кушодаи «Гипропром», Пажуҳишгоҳи илмию тадқиқотӣ сохтмонӣ ва меъморӣ ҷумҳурӣ, масоили назариявӣ ва амалии ин рисола дар ҷараёни таълимӣ дар Донишгоҳи техникии ҷумҳурӣ ва Донишгоҳи давлатии ба номи академик Моёншоҳ Назаршоеви шаҳри Хоруғ истифода бурда мешавад.