ТАВАССУТИ СУД БА МАКТАБ Ё БА РУСИЯ

Душанбе, 16 апрел. (АМИТ «Ховар», Лаззат Диловарзод).- Хабарнигорони васоити ахбори омма дар нишастҳои  матбуотии вазоратҳои маориф, нақлиёт ва коммуникатсия, Прокуратураи генералию Агентии НДМ ва мубориза бо коррупсия завқи бештари иштирок намуданро доранд, чаро? Барои ҷавоб Вазорати маориф интихоб шуд, ки  нишасти матбуотӣ  он ҷо хеле «гарм» мегузарад. Баҳс аз сару либоси ҳонандаю донишҷӯ, телефонии мобилию мошинсаворӣ, ба мактабҳо фаро нагирифтани хонандаю баъди хатми донишгоҳ ба ҷойи кори таъин- шуда нарафтани хатмкардагони Донишгоҳи омӯзгорӣ, судбозӣ кардани вазорати мазкуру хатмкардаи ин донишгоҳҳо, байни худ муноқиша кардани хонандагони мактабҳои пойтахт ва боз даҳҳо масъалаҳои баҳсӣ ба миён кашида мешаванд. Ба гуфти вазир, 326 хатмкардаи донишгоҳи омӯзгорӣ ва дигар муассисаҳои олии кишвар бо сабаби аз рӯи тавсия ба кор нарафтанашон ба суд дода шуданд. Донишҷӯёни ДДОТ, ки баъди хатм бо ихтисоси худ ба кор намераванд, барои аз ҷавобгарӣ озод шудан ба Донишгоҳ 2793   сомонӣ маблағ пардохт карданашон  аз мавзӯъҳои баҳсии имрӯзу фардои ин вазорат боқӣ мемонанд.