ТЕННИСБОЗОНИ ТОҶИК ДАР МУСОБИҚАҲОИ БАЙНАЛХАЛҚӢ ИШТИРОК НАМЕКУНАНД

Душанбе,  23 апрел. (АМИТ «Ховар», Пайрав  Назаров). —  Теннисбозони Тоҷикистон  имсол дар  мусобиқаи 99  уми бонуфузи  байналмилалии  дастаҳои  мунтахаби  мардона    барои  ба даст  овардани  ҷоми Девис  ширкат намеварзанд. Директори Мактаби   варзишии бачагону  наврасони  теннисбоз  Мансур  Яҳёев ба  АМИТ «Ховар»  хабар  дод, ки  теннисбозони тоҷик   бо  сабаби  набудани  маблағи  зарурӣ  дар  ин  мусобиқа   иштирок  намекунанд. Мусобиқаи  мазкур  19  апрел дар  Индонезия  оғоз  ёфт. Тибқи  нақшаи  пешакӣ  таҳиягашта,  теннисбозони тоҷик  мебоист  бо   дастаҳои  мунтахаби   Баҳрайн,  Бруней,  Ироқ,  Урдун, Қирғизистон, Мянма, Қатар,  Сингапур,  Туркманистон, Аморатҳои  Муттаҳидаи  Араб ва  Яман  қувваозмоӣ  мекарданд.