ҚАФОМОНӢ ДАР КИШТИ ПУНБАДОНА

Душанбе, 19 май. (АМИТ «Ховар», Лаззат Диловарзод).- Бино ба иттилои сардори Раёсати растанипарварии Вазорати кишоварзӣ Саидмурод Баҳриддинов, кишоварзони вилояти Суғд ва ноҳияҳои тобеи ҷумҳурӣ кишти пунбадонаро то 15 – уми май пурра ва барзиёд иҷро намуданд. Дар вилояти Суғд аз 55 ҳазор гектар замини барои кишти чигит    пешбинишуда, дар масоҳати 55 ҳазору 269 га   кишт гузаронида шудааст, ки ин баробари 100,5 фоизи дурнамо мебошад. Дар ноҳияҳои тобеи ҷумҳурӣ бошад, ба ҷои 6765 га дар майдони 7690 га, ки баробари 114 фоиз мебошад, чигит кишт карда шудааст. Мутаассифона, деҳқонони пахтапарвари вилояти Хатлон соли ҷорӣ бо сабабҳои нарасидани сӯзишворӣ ва аз ҷониби бонкҳо маблағгузорӣ нашудани хоҷагиҳои деҳқонӣ (фермерӣ) – и пахтапарвар то 15 –уми май ба ҷойи 121 ҳазору 700 гектари дар нақша  пешбинишуда, ҳамагӣ дар майдони 99 ҳазору 231 га кишти чигит анҷом дода шудааст.