5 МЛН. ЕВРО БАРОИ НЕРӮГОҲИ БАРҚИ ОБӢ

Душанбе, 25 май. (АМИТ «Ховар», Лаззат Диловарзод).- Бино ба иттилои раиси дастгоҳи ноҳияи Мурғоб, Ҳукумати Олмон барои сохтмони нерӯгоҳи барқи обӣ дар ноҳияи Мурғоб 5 млн. евро ҷудо намудааст. Аини замон, ягона нерӯгоҳи барқи обӣ дар ноҳия 160 кВт нерӯи барқ истеҳсол  менамояд. Ба гуфти сармуҳандиси нерӯгоҳ, баробари аз нав таҷдид намудани нерӯгоҳи  амалкунанда иқтидори он ба 800 кВт расонида мешавад. Нерӯгоҳи нав дорои 2000 ҳазор кВт соат буда, дар паҳлӯи нерӯгоҳи пешина сохта мешавад. Сохтмони нерӯгоҳи нав аз моҳи сентябр оғоз мегардад, ки баробари сохта ба истифода додани  нерӯгоҳи нав ва таҷдиди нерӯгоҳи пешина  аҳолии ноҳия пурра бо барқ таъмин гардида, сӯзишвории маҳалӣ — тарсек, ки асосан маводи ғизоии ҳайвонот аст  сарфа карда мешавад. Нерӯгоҳи нав барои коркарди ашёи хоми саноатӣ — пӯсту пашм  мусоидат карда, барои рушди соҳибкорӣ имкониятҳои  фаровон  ба вуҷуд меорад.