АМАЛИЁТИ «КӮКНОР» ДАВОМ ДОРАД

Душанбе,  26 май. (АМИТ «Ховар», Наталя  Михайлова). —  Кормандони раёсати  назорати  маводи  нашъадори  вилояти  Суғд 25  май  зимни аз  назар  гузаронидани  хоҷагии «Ёва» -и  колхози ба  номи  Ҷаббор  Расулови  ноҳияи  Бобоҷон Ғафуров  дар  масоҳати 0,40  гектар  ва  дар  ҳудуди  Боғи  фарҳангу  фароғати  шаҳри  Чкалов  дар  масоҳати  0,50  гектар  9520  бех  ниҳоли   кӯкнори худрӯйро  ошкор  намуданд. Ҳамаи  ниҳолҳо  дар  шоҳидии  одамон  канда ва  оташ  зада  шуданд. Мухбири  АМИТ «Ховар»  хабар  медиҳад, ки  амалиёти «Кӯкнор»  аз  1  май  шурӯъ  шуда буд ва  то  30  ноябр  давом  мекунад.