ДАР ҚИСТАҚӮЗ ЗИЁДА АЗ 10 КГ ҲАШИШ ДАРЁФТ КАРДАНД
Душанбе, 5 май. (АМИТ «Ховар», Жасмин Назарова). – Ҳангоми гузарондани амалиёти фаврӣ-ҷустуҷӯӣ аз ҷониби кормандони бахши мубориза бар зидди муомилоти ғайриқонунии маводи нашъадори ВКД ҶТ, дар ҳудуди ҷамоати Қистақӯз, шаҳрванд Амирҷон Ваҳобов, соли таваллудаш 1972, истиқоматкунандаи ҷамоати Қистақӯзи ноҳияи Б.Ғафурови вилояти Суғд дастгир гардид. Тибқи иттилои корманди дафтари матбуоти Вазорати корҳои дохилии ҶТ, ҳангоми кофтукови шахсӣ аз борхалтаи ӯ маводи нашъадори навъи ҳашиш, ки вазнаш 10 кг 624 гр ташкил медод, дарёфт ва мусодира карда шуд. Нисбати ин далел парвандаи ҷиноӣ оғоз шуда, тафтишот идома дорад. Бояд қайд намуд, ки дар давоми се моҳи соли равон аз ҷониби кормандони бахши мубориза бар зидди муомилоти ғайриқонунии маводи нашъадори ВКД ҶТ 379 далели муомилоти ғайриқонунии маводи нашъадор ошкор карда шудааст. Аз гардиши ғайриқонунӣ зиёда аз 1 тонна маводи нашъадор дарёфт ва мусодира карда шудааст.
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
Имрӯз дар баъзе ноҳияҳои кӯҳии Тоҷикистон бориши борону барф пешгӯӣ мешавад
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
