ЭМОМАЛӢ РАҲМОН БА И.КАРИМОВ МИННАТДОРӢ БАЁН НАМУД

Душанбе,  11 май. (АМИТ «Ховар», Наталя  Михайлова). —  Президенти  ҷумҳурӣ  Эмомалӣ  Раҳмон  дирӯз  дар  маҷлиси  Ҳукумати  мамлакат  ба  хизматчиёни  ҳарбии  Пойгоҳи  низомии 201 – уми  Русия  дар  Тоҷикистон барои  сари  вақт  расонидани  кӯмак ба  зарардидагони  фалокати табиӣ  дар  минтақаи  Кӯлоб   изҳори  сипос  намуд. Инчунин  Сардори давлати  Тоҷикистон шахсан  аз  номи  худ,  аз номи  Ҳукумати  Ҷумҳурии  Тоҷикистон  ва халқи  тоҷик  ба  Президенти  Ӯзбекистон  Ислом  Каримов   барои  ҳар чӣ  зудтар  бартараф  сохтани   харобиҳои  қитъаи  роҳи  оҳан  ва  сар  додани  вагонҳои   пурбор  ба  самти  вилояти  Хатлон   миннатдорӣ  баён  кард.