«ГАРМЧАШМА» ОБОД МЕШАВАД

Хоруғ, 12 май. (АМИТ «Ховар», Л.Додо). —  Бо ташаббуси   мақомоти иҷроияи ҳокимияти давлатии ноҳияи  Ишкошим  истироҳатгоҳи  «Гармчашма»  торафт  ободтар  мегардад.  Айни  ҳол  дар  ин  ҷо   сохтмони  меҳмонхонаи   панҷситорадор  ва  шифохона  барои  50  нафар  бунёд  карда  мешаванд.  Тибқи  созишномаи  раиси   вилоят бо роҳбарияти  корхонаи  алюминии  тоҷик  муассисаҳои  мазкур  бо  маблағи  ҳамин  корхона  бунёд  карда  мешаванд.  Корхонаи  алюминии  тоҷик  инчунин  барои  сохтмони  ду  ҳавзи  шиноварӣ  ва  як  бинои  истироҳатӣ  дар  наздикии  истироҳатгоҳи  «Гармчашма»  маблағ  ҷудо  хоҳад  кард. Мухбири  АМИТ «Ховар»  хабар  медиҳад, ки  сохтмони  ин  биноҳо  то  ҷашни  Ваҳдат  пурра  ба  охир  расонида  мешавад.