ИЗҲОРИ ҲАМДАРДӢ БА ХАЛҚИ ТОҶИКИСТОН

Душанбе,  11 май. (АМИТ «Ховар», Наталя  Михайлова). —  Президенти  Туркманистон Қурбонгулӣ  Бердимуҳаммадов  10  май  вобаста ба  фалокати табиии дар  қисмати  ҷанубии  Тоҷикистон  бамаломада,  обхезӣ, ки  бар  асари он  харобиҳои  зиёд  рух дода,  одамон  ҳалок  шуданд, ба  унвони  Президенти  Ҷумҳурии  Тоҷикистон  Эмомалӣ  Раҳмон  барқияи  ҳамдардӣ  фиристод. Роҳбари  Туркманистон ба Эмомалӣ  Раҳмон  ҳамдардӣ  изҳор  намуда,  аз  ӯ  хоҳиш  менамояд, ки  ҳамдардӣ  ва  тасаллияти   ӯро  ба  аҳли оила ва  хешу  таборони шахсони  ҳалокшуда  расонад.