КӮМАКИ КИШОВАРЗОН ДАР БАРҚАРОРСОЗӢ

Душанбе, 17 май. (АМИТ «Ховар», Лаззат Диловарзод).- Бино ба иттилои маркази матбуот ва иттилооти Вазорати кишоварзӣ, роҳбарияти Донишгоҳи аграрии Тоҷӣкистон ба номи Шириншо Шотемуров, Бозрасии давлатии назорати техникии  кишоварзӣ, Хадамоти назорати давлатии фитосанитарӣ, КВД «Тоҷикагролизинг» ва дастгоҳи марказии вазорат аз ҳисоби маблағҳои худӣ сохтмони се бинои истиқоматиро бо   тамоми таҷҳизоти рӯзгордорӣ барои сокинони аз офати табиӣ зарардидаи шаҳри Кӯлоб ба ӯҳда гирифтаанд. Ҳамзамон сохторҳои кишоварзии дар вилояти Хатлон буда, вазифадор карда шуданд, ки бо кӯмаки вазорат дар кӯтоҳтарин муддат оқибатҳои офати табииро бартараф намоянд. Дар заминҳое, ки аз сангу лойқа тоза карда мешаванд, ба кишти ҷуворимакка, сабзавот ва дигар зироатҳои ба шароити  минтақа мувофиқро кишт намоянд.