НАМОИШГОҲИ ТАҶҲИЗОТИ ЭНЕРГЕТИКИИ ЭРОН ДАР ТОҶИКИСТОН
Душанбе, 29 май. (АМИТ «Ховар», Бекназари Абӯбакр). – Аз 25 то 28 майи соли равон ҳайати сармоягузорон ва соҳибкорони Ҷумҳурии Исломии Эрон дар шаҳри Душанбе бо намояндагони як қатор вазорату идораҳои Ҷумҳурии Тоҷикистон оид ба масъалаҳои сармоягузорӣ ва вусъат бахшидани равобити тиҷоратӣ бо Тоҷикистон мулоқот намуданд. Дар натиҷаи ин мулоқотҳо як чанд ёддоштҳои тафоҳум, аз ҷумла Ёддошти тафоҳум байни Вазорати рушди иқтисод ва савдои Ҷумҳурии Тоҷикистон ва Ширкати «Тавсеаи энергияи поки форс»-и Ҷумҳури Исломии Эрон дар хусуси баргузории намоишгоҳи таҷҳизоти энергетикӣ дар Тоҷикистон, Ёддошти тафоҳум байни Вазорати рушди иқтисод ва савдои Ҷумҳурии Тоҷикистон ва Ширкати «Нерӯи сармоя ва тавсеаи энергияи пок»-и ҶИЭ оид ба сармоягузорӣ дар соҳаи нақлиёти роҳи оҳан» ба имзо расиданд. Роҳбари гурӯҳи сармоягузорони эронӣ доктор Аҳмадӣ ба хабарнигорон гуфт, ки 2 моҳ баъд намоишгоҳи таҷҳизоти энергетикӣ дар шаҳри Душанбе доир мегардад, ки дар он ҳамаи маҳсулоти тавлидотии марбут ба соҳаи энергетика, аз қабили реле, трансформатор ва ғайра ба намоиш гузошта мешавад. Ҳадафи намоишгоҳро доктор Аҳмадӣ шиносоии бештари мардуми Тоҷикистон бо маҳсулоти корхонаҳои саноатии Эрон арзёбӣ кард.
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
Имрӯз дар баъзе ноҳияҳои кӯҳии Тоҷикистон бориши борону барф пешгӯӣ мешавад
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
